Хорватия Шенген зонасига киришга тайёрланмоқда

ZAGREB. Кazinform – 2023 йил 1 январдан бошлаб Хорватия Шенген ҳудудига қўшилади. Расмий равишда, Загреб ҳам ушбу шартномани аввал имзолаган 27 давлат каби шимолий қўшнилари – Словения ва Венгрия билан чегара назоратини бекор қилади. Бу ҳақда Kazinform Euronewsга таяниб хабар беради.

«Биз, полиция ходимлари, чегарадан ўтиш жойини тарк этамиз. Чегара назоратини қайта жорий этиш имкониятини инкор этиб бўлмайди, шунинг учун назорат-ўтказиш пунктлари ва бошқа инфратузилмалар сақланиб қолади. Бироқ юк ва йўловчиларнинг эркин ҳаракатланишини таъминлаш мақсадида пандуслар ва бошқа текшириш воситалари олиб ташланади», — деди Брегана чегара пости раҳбари ўринбосари Марижан Бурич.

Хорватиянинг Шенгенга қўшилиши унинг Еврозонага кириши билан бир кунда амалга оширилиши керак. Бу Европарламентнинг 10 ноябр куни бўлиб ўтган ялпи мажлисида маъқулланди. Бу ЕИ Ички ишлар вазирларининг 9 декабр куни бўлиб ўтадиган йиғилишида қабул қилинадиган якуний қарордир.

Словения Хорватиянинг Шенген ҳудудига қўшилишини қўллаб-қувватлайди. Бироқ, 2017 йилги чегара арбитраж келишувининг тақдири ноаниқлигича қолмоқда. Бу келишув икки давлат 20 йилдан ортиқ вақт давомида ечим топа олмаган қуруқлик ва денгиз чегарасининг йўналишини белгилаб берди.

Фото: euronews.cоm