Хорижликларга Иссиқкўлда дам олиш уйларини сотиб олишга рухсат берилди

Қирғизистон чет эл фуқароларига Иссиқкўл биосфера ҳудудидаги дам олиш уйлари ва пансионатларга хусусий мулкчиликка рухсат берди. Тегишли қонунни давлат раҳбари Садир Жапаров имзолади, дея хабар берди Kazinform агентлиги.

Қабул қилинган ҳужжатга мувофиқ, чет эллик шахсларга дам олиш масканларига ер сотиб олиш ҳуқуқисиз хусусий мулкка эгалик қилиш имконияти берилади. Шу билан бирга, дам олиш масканлари учун фойдаланиладиган ер участкалари мамлакат ҳукумати томонидан белгиланадиган тартибда муддатли (вақтинчалик) фойдаланишга берилади. Ва пляж зоналарига кириш ҳеч қандай чекловларга дуч келмайди.

Қонун мамлакатнинг жаҳон туризм хизматлари бозорига чиқиши ва Иссиқкўлнинг экологик-иқтисодий тизимини сезиларли даражада ривожлантириш мақсадида хорижий инвестицияларни жалб қилишга қаратилган.

Дам олиш масканларига мулкчилик шаклидан ва тадбиркорлик фаолиятининг ҳуқуқий шаклидан қатъи назар, дам олиш, соғломлаштириш, туризм учун фойдаланиладиган, дам олиш, меҳмонларга хизмат кўрсатиш, соғломлаштириш хизматларини кўрсатувчи пансионатлар, курортлар, дам олиш уйлари, дачалар, меҳмон уйлари ва бошқа объектлар киради.