Хорижий ходим Қозоғистонга хизмат сафари билан неча кунга келиши мумкин

ASTANA. Kazinform – Шарқий Қозоғистон вилояти полиция департаментнинг вакиллари чет эллик ходим Қозоғистонга хизмат сафари билан неча кунга келиши мумкинлигини тушунтирди, деб хабар беради Kazinform мухбири.

Вилоят ПД матбуот хизмати хабарига кўра, хорижий компаниялар ўз ходимларини Қозоғистон вилоятларига хизмат сафарига жўнатиши мумкин.

Хизмат сафарига жўнатиш муддати 1 календар йилида жами 90 кундан ошмаслиги керак. Агар бу муддат ошиб кетган бўлса, иш берувчи чет эллик ходим учун қўшимча рухсатнома олиши керак.

«Амалдаги қонунчиликка кўра, ишлаш учун рухсатнома фақат олинган ҳудудда амал қилади. Бундан ташқари, иш берувчи миграция хизматига чет эллик ходимнинг мамлакатнинг бошқа ҳудудида бўлганлиги тўғрисида хабардор қилиши шарт», - деди департаментнинг миграция хизмати бошқармаси бошлиғи вазифасини бажарувчи Ринат Шкибаев.

Унинг таъкидлашича, миграция хизматлари учун виза миграция порти (vmp.gov.kz) ва еQonag.kz. ахборот хизмати орқали онлайн ҳисобот беришингиз мумкин. Хабар 3 иш куни ичида берилиши керак.

Муаллиф: Талғатжан Мухаметбекули