Хориждаги қозоқ болалари бу йил ҳам Қозоғистоннинг ёзги оромгоҳларига келишлари мумкин

None
ASTANA. Kazinform – Жорий йилнинг 1-14 июль кунлари хорижда истиқомат қилувчи қозоқ миллатига мансуб болалар учун ёзги оромгоҳ ташкил этилади, деб хабар беради Kazinform.

«Ватандошлар жамғармаси» томонидан ташкил этилган ёзги оромгоҳ лойиҳаси илк бор 2019 йилда Астана шаҳридаги Назарбоев интеллектуал мактабида ўтказилган эди.
Унда 7 давлатдан 150 нафар этник қозоқ болалари иштирок этди.
Лойиҳа 2020-2021 йилларда CОVID-19 пандемияси туфайли ўтказилмади. 2022 йилда Бурабайдаги «IQanat» мактаби базасида ташкил этилди ва Франция, Туркия, Эрон, Қирғизистон, Ўзбекистон, Хитой, Мўғулистон, Россия каби 8 давлатдан жами 84 нафар бола иштирок этди.
Ушбу лойиҳа жорий йилда ҳам давом этади.
2023 йил 1 июлдан 14 июлгача давом этадиган ёзги оромгоҳ дастурида болалар от миниш, камондан ўқ отиш, ошиқ ўйнаш, тикувчилик, миллий асбоблар чалиш, қозоқ тилини интенсив форматда ўрганиш каби миллий қадриятлар ва мобилография каби замонавий дарслар бўйича билимларини оширадилар.
Бундан ташқари, энг яхши университетларнинг кўргазмаларида иштирок этиш ва Қозоғистондаги таълим имкониятлари билан танишишлари, таниқли инсонларнинг маҳорат дарсларига қатнашиш ва таниқли юлдузлар иштирокидаги концертларни томоша қилишлари мумкин.
«Ёзги оромгоҳ» лойиҳасида иштирок этиш учун «Ватандошлар жамғармаси» жамғармаси томонидан хориждаги 12-17 ёшли этник қозоқ болалари ўртасида ўтказиладиган онлайн танловда қатнашиш ва бепул чипта ютиб олиш мумкин.


Сўнгги хабарлар
telegram