Хонанда Тина Тернер вафот этди

ASTANA. Kazinform- Афсонавий америкалик ва швейцариялик қўшиқчи Тина Тернер 83 ёшида вафот этди, дея хабар беради Kazinform.

Хонанданинг ўлими ҳақида унинг Instagram саҳифасида хабар берилган.

«Биз Тина Тернернинг вафот этганини катта қайғу билан маълум қиламиз. Ўзининг мусиқаси ва ҳаётга бўлган чексиз иштиёқи билан у бутун дунё бўйлаб миллионлаб мухлисларни ўзига ром этиб, келажак юлдузларини илҳомлантирди. Бугун биз ўзининг энг буюк асари - мусиқасини қолдирадиган азиз дўстимиз билан хайрлашамиз. Бизнинг барча самимий меҳримиз унинг оиласига қаратилади. Тина, биз сизни жуда соғинамиз«, - дейилади нашр матнида.

Тина Тернер 1960-1980 йилларнинг энг машҳур аёл хонандаларидан бири эди. У саккизта «Грэмми» мукофотига эга, у «Рок-н-ролл маликаси» норасмий унвонига сазовор бўлган.