Хонанда Димаш Қудайбергеннинг инглиз тилидаги янги қўшиғи чиқди

ASTANA. Kazinform - Димаш Қудайбергеннинг инглиз тилидаги янги қўшиғига ишланган видеоклип чиқди.

Хонанда ўзининг Instagram саҳифасида видеолавҳа билан бўлишди. Айтилишича, у бу қўшиқни биринчи марта Гонконгдаги яккахон концертида ижро этган.

“Менинг янги «Smoke» треким энди барча мусиқа платформаларида мавжуд. Бу қўшиқни биринчи марта Гонконгдаги яккахон концертимда ижро этгандим. Бу қўшиқ тингловчилар томонидан яхши қабул қилинган. Шу муносабат билан мен дўстларим Кэндис Келли ва Дмитро Гордонга ушбу асарнинг яратилишига қўшган ҳиссалари учун миннатдорчилик билдирмоқчиман. Қўшиқ сизларга ёқади деган умиддамиз! Тез орада Будапешт ва Истанбулдаги яккахон концертларимда кўришгунча!” – деб ёзган Димаш Қудайберген.