Хоккей чемпионати: Қозоғистон ёшлар терма жамоаси 2-ўринга кўтарилди

ASTANA. Kazinform – Қозоғистон хоккей бўйича 20 ёшгача бўлган ёшлар ўртасидаги жаҳон чемпионатида учинчи ғалабасини қўлга киритди, деб хабар беради Kazinform мухбири.

Қозоғистон спортчилари Словения терма жамоаси билан учрашди. Терма жамоадан Роман Ермак 1, 24, Даниил Цибин 17, Всеволод Логвин 47-дақиқада мерганлик кўрсатди. Бунга словениялик хоккейчилар иккита гол билан жавоб қайтаришди.

Шу тариқа қозоғистонлик хоккейчилар рақибини 4:2 ҳисобида мағлуб этишди.

Қозоғистонлик хоккейчилар биринчи дивизионнинг «А» гуруҳида баҳслашмоқда. Рақиблар - Норвегия, Франция, Словения, Дания ва Венгрия жамоалари.

Энди 18 декабр куни қозоғистонлик хоккейчилар Норвегия жамоалари билан куч синашади.

Эслатиб ўтамиз, бунгача Францияга мағлуб бўлган, кейин эса Венгрия ва Данияга қарши баҳсларда ғалаба қозонган эди. Ушбу ғалабадан сўнг қозоғистонлик хоккейчилар тўққиз очко билан турнир жадвалида иккинчи ўринни эгаллашди. Биринчи ўринда уч ўйиндан кейин тўққиз очко жамғарган Норвегия ёшлари бормоқда.

Муаллиф: Адилжан Умбет