Хоккей бўйича Қозоғистон миллий терма жамоаси Олимпиадага саралаш босқичидаги илк учрашувини ўтказади

ASTANA. Kazinform – 29 август, пайшанба куни хоккей бўйича Қозоғистон миллий терма жамоаси 2026 йилда Италияда бўлиб ўтадиган Олимпиада ўйинларига саралаш босқичидаги илк учрашувини ўтказади, деб хабар беради Кazinform агентлиги Sports.kzга таяниб.

Саралаш турнири Братиславада (Словакия) бўлиб ўтади. Дастлабки ўйинда қозоғистонлик хоккейчилар Венгрия терма жамоасига қарши ўйнайди. Қозоғистон ва Венгрия ўртасидаги ўйиннинг жонли трансляцияси Астана вақти билан соат 16:50да бошланади ва Qazsport телеканалида томоша қилиш мумкин бўлади.

Шунингдек, D гуруҳида Қозоғистон терма жамоаси Австрия ва Словакия терма жамоаларига қарши ўйнайди. Австрияликлар билан ўйин 30 август куни, словакияликлар билан ўйин эса 1 сентябрь куни бўлиб ўтади. Ушбу учрашувлар ҳам Qazsport телеканали орқали жонли эфирда намойиш этилади. Гуруҳ ғолиби 2026 йилги Олимпиадада иштирок этиш ҳуқуқини қўлга киритади.