Хоккей бўйича жаҳон чемпионати: Қозоғистон ўсмирлари Японияни йирик ҳисобда мағлуб этишди

ASTANA. Kazinform – Қозоғистон ўсмирлар терма жамоаси хоккей бўйича жаҳон чемпионатининг иккинчи ўйинини Японияга қарши ўтказди, деб хабар беради Кazinform мухбири.

Франциянинг Анже шаҳрида 1А дивизионининг 2-тур учрашувлари бўлиб ўтди.

Учрашув давомида қозоғистонлик хоккейчилар ишончли ўйин кўрсатишди. Биринчи бўлимнинг 18-дақиқасида терма жамоа аъзоси Артур Гросс рақиб дарвозасини аниқ нишонга олди.

Иккинчи бўлимда қозоғистонлик Кирилл Ляпунов 21-дақиқада ҳисобни оширди.

Учинчи бўлимда терма жамоадан Александр Ким 41-дақиқада ҳисобдаги фарқни оширган бўлса, 44-дақиқада Кирилл Ляпунов яна бир гол урди.

58-дақиқада Абай Бейсембаев гол урди.

Шу тариқа қозоғистонлик хоккейчилар 5:0 ҳисобида ғалаба қозонишди.

Эслатиб ўтамиз, бунгача улар Венгрияни мағлуб этишган.

Энди Қозоғистон ўсмирлар терма жамоаси 26 апрель куни Дания билан учрашади.

27 апрель куни улар Украинага, 29 апрель куни эса Францияга қарши баҳс олиб боради.

Муаллиф: Адилжан Умбет