ХОҚ Ижроия қўмитаси боксни Олимпиада дастурига киритишни таклиф қилди
ASTANА. Кazinform — ХОҚ Ижроия қўмитаси боксни 2028 йилги Олимпиада ўйинлари дастурига киритишни таклиф қилди. Бу ҳақда ҚР МОҚ матбуот хизмати хабар берди.
Якуний қарор шу ҳафтада Грециянинг Коста-Наварино шаҳрида бўлиб ўтадиган ХОҚнинг 144-сессиясида қабул қилинади.
Дастлаб, бокс 2022 йил февралида тасдиқланган Олимпия спорт турлари рўйхатига киритилмаган эди. Бунга Халқаро бокс ассоциацияси (IBA) ичидаги муаммолар сабаб бўлган. 2023 йил июнь ойида ХОҚ IBAни расман тан олишдан бош тортди, бу ҳолат 2028 йилги Олимпиададаги бокс мусобақаларининг келажагига таъсир қилди.
Париж Олимпиадасида бокс бўйича мусобақалар ХОҚнинг махсус ишчи гуруҳи назорати остида ўтказилди. Ушбу қарор спортчиларнинг турнирда қатнашиш имкониятини таъминлади.
ХОҚ аввалроқ бокснинг Олимпиада дастурида қолишини таъминлаш учун янги халқаро федерация зарурлигини таъкидлаган эди. 2025 йилнинг феврал ойида ХОҚ Ижроия қўмитаси World Boxing
ташкилотини вақтинчалик тан олди. Ҳозирда ушбу ташкилот 84 та миллий федерацияни бирлаштирган.
Эслатиб ўтамиз, улар Сербиянинг Ниш шаҳрида бўлиб ўтган бокс бўйича жаҳон чемпионатида медаллар сони бўйича умумжамоа ҳисобида иккинчи ўринни эгаллади.
