Хитойлик эпидемиолог коронавирусга қарши эмлаш ҳақидаги сохта хабарларни рад этди

BEIJING. Кazinform - Коронавирусга қарши эмлаш лейкемия ва қандли диабетни келтириб чиқармайди, инсон геномига таъсир эта олмайди ва «инфекциянинг антитаначага боғлиқ кучайиши» (АDЕ) феноменига олиб келмайди. Бу ҳақда Хитой Фанлар академияси академиги Ван Фушэн брифинг чоғида маълум қилди, дея хабар беради Кazinform мухбири.

Хитойлик эпидемиологнинг таъкидлашича, Хитойнинг инактивацияланган коронавирус вакциналари хавфсиз ва Жаҳон соғлиқни сақлаш ташкилоти (ЖССТ) томонидан шошилинч фойдаланиш учун тасдиқланган ҳамда дунёнинг 100 дан ортиқ мамлакатларида тартибга солувчи органлар томонидан фойдаланишга рухсат берилган.

У, шунингдек, клиник кузатишлар ва статистика шуни кўрсатадики, қандли диабет ва лейкемия бўйича консультацияга келганлар ва касалхонага ётқизилганлар сони коронавирус эпидемияси бошланишидан олдинги ва кейинги тўрт йил ичида деярли бир хил бўлган ва сезиларли ўзгаришлар кузатилмаган. Бу шуни кўрсатадики, коронавирусга қарши эмлаш лейкемия ва диабет ривожланишига олиб келмайди.

Ҳозирги вақтда 3-12 ёшли болалар ва 12-17 ёшли ўсмирлар учун эмлаш даражаси 90-100% ни ташкил қилади. Хитойда жами 250 миллион бола ва ўсмир эмланган.

Муаллиф: Руслан Сулейменов