Хитойдан Европага Марказий Осиёдаги темир йўллар орқали олиб ўтиладиган юклар ҳажми 5 баробар ошди

ASTANA. Kazinform - Охирги 10 йил ичида Хитойдан Европага Марказий Осиё орқали олиб ўтилган темир йўл юклари ҳажми 5 баробар ошди. Бу ҳақда Ҳукумат йиғилишида ҚР Транспорт вазири Марат Қарабаев маълум қилди.

“Мамлакат ҳудудидан Хитой бозорларини Европа ва Марказий Осиё давлатлари билан боғловчи 5 та асосий халқаро темир йўл коридорлари ўтади.

Сўнгги 10 йилда мазкур йўлаклар орқали контейнер ташиш ҳажми 5 баробар ошди.

Йилнинг 10 ойи якунларига кўра, юк ташиш ҳажми 3,5 фоизга ошиб, 263 миллион 400 минг тоннага етди”, - деди у.

Вазирликнинг қўшимча маълумотларига кўра, йил охиригача ушбу йўлаклар орқали 310 миллион тонна юк ташиш режалаштирилган.

“Маҳаллий транспорт 10,8 фоизга ўсмоқда. Транзит юк ташиш ҳажми ўтган йил даражасида, яъни 22 миллион 400 минг тоннани ташкил этади. Шу билан бирга, контейнер транзити 7,5 фоизга ошди”, — деди вазир.

Муаллиф: Есимжан Нақтибай