Хитойдаги карантин нефт нархини пасайтирди
Бу мамлакатда COVID-19 коронавируси карантини туфайли нефтга талабнинг камайгани билан боғлиқ. Бундан ташқари, Халқаро энергетика агентлигига (ХЭА) аъзо давлатлар ва АҚШ бозорга миллионлаб баррел нефт чиқаришни режалаштирмоқда.
Нью-Йорк товар биржасида Brent нефти фьючерслари 4,04 фоизга пасайиб, бир баррели учун 94,29 долларни ташкил этди, Лондон қитъалараро биржасида (NYSE:ICE) Brent нефти 4,2 фоизга тушиб, бир баррели учун 98,49 долларни ташкил қилди.
Хитойдаги карантин дунёнинг иккинчи йирик иқтисодиётида сайёҳлик фаоллигига салбий таъсир кўрсатиб, самолёт ёқилғиси ва нефтга бўлган талабни камайтириш билан таҳдид қилди. Шундай қилиб, Шанхай магаполисдаги ҳаво қатнови одатдаги даражадан 10% гача камайди. Мамлакат бўйлаб кўплаб узоқ масофали рейслар бекор қилинди.
FGE консалтинг фирмаси автотранспорт воситаларига умумий талаб кунига 1,2 миллион баррелдан 1,3 миллион баррелгача қисқаришини башорат қилмоқда, реактив ёқилғига бўлган талаб эса бу кўрсаткичнинг ярмини ташкил этади.
Бироқ, Шанхай расмийлари душанба куни баъзи ҳудудларда карантин чораларини юмшатишни бошлашларини айтишди. Янгилик Хитойнинг молиявий маркази якшанба куни мамлакатда 25,000 дан ортиқ янги COVID-19 ҳолатлари қайд этилганини эълон қилганидан кейин пайдо бўлди.
