Хитойда заводдаги ёнғин оқибатида 36 киши ҳалок бўлди

PEKIN. Kazinform – Хэнан провинцияси (Марказий Хитой) Аньян шаҳридаги заводда содир бўлган ёнғин оқибатида 36 киши ҳалок бўлди, дея хабар беради Kazinform мухбири The paperга таяниб.

Аньян шаҳридаги корхонада ёнғин 21 ноябр куни маҳаллий вақт билан соат 16:22 да содир бўлган. Орадан 3,5 соат ўтгач, ўт ўчирувчилар ёнғинни назорат остига олишга муваффақ бўлишди. Соат 23:00да ёнғин тўлиқ ўчирилди.

Дастлабки маълумотларга кўра, сешанба куни маҳаллий вақт билан соат 06:10 ҳолатига кўра, ёнғин оқибатида 36 киши ҳалок бўлган, икки киши бедарак йўқолган, яна икки киши енгил тан жароҳати олган.

Воқеа сабабларини аниқлаш учун ёнғин жойида тергов ишлари олиб борилмоқда.

Муаллиф: Руслан Сулейменов

Фото: pix.avax.news