Хитойда тошқин пайтида фермадан 75 та тимсоҳ қочиб кетди
Маомин шаҳрида (Гуандун провинцияси) кўл каналидан 75 та қирғоқ тимсоҳлари қочиб кетган.
Улардан баъзилари тириклайин қўлга олинган бўлса, бошқалари «хавфсизлик учун» маҳаллий ҳокимият томонидан электр токи билан ёки отиб ўлдирилган.
Давлат матбуотига кўра, расмийлар қкрган тузоққа атиги 8 та тимсоҳ тушган.
«Қочқинларни» ушлашда иштирок этган ўт ўчирувчилардан бирининг сўзларига кўра, қўлга олинган катта ёшли тимсоҳнинг ўртача вазни тахминан 75 кг, узунлиги эса 2 метрдан ошади.
Маомин шаҳри (Гуандун провинцияси) бир нечта тимсоҳ фермаларига эга. Улар тери учун ҳам, гўшт учун ҳам етиштирилади.
Ҳукумат ферма яқинидаги қишлоқлар аҳолисидан хавфсизлик нуқтаи назаридан уйларини тарк этмасликни сўраган.
Эслатиб ўтамиз, Гонконг, Тайван, Япония ва Хитойнинг бир қисмини аллақачон босиб ўтган «Хайкуй» тўфони Жанубий Осиёда бир ҳафтадан кўпроқ вақт давомида ваҳима уйғотмоқда. Табиий офат етти кишининг ҳаётига зомин бўлиб, яна уч киши бедарак йўқолган. Тўфон Хитой жанубида тошқинларга сабаб бўлган.
