Хитойда ресторанда юз берган портлашда 31 киши ҳалок бўлди

YÍNCHUĀN. XINHUA-Kazinform – Хитой шимоли-ғарбидаги Нинся-Хуэй автоном округининг Иньчуань шаҳрида жойлашган барбекю ресторанида юз берган портлашда 31 киши ҳалок бўлди, дея хабар беради Kazinform Xinhua агентлигига таяниб.

Портлаш маҳаллий вақт билан соат 20:40 атрофида Иньчуань шаҳрининг Синцин туманида жойлашган ресторанда содир бўлган. Бунга суюлтирилган нефть газининг сизиб чиқиши сабаб бўлгани айтилмоқда.

Малумотларга кўра, портлаш оқибатида 38 киши жабрланган, улардан 31 нафари ҳалок бўлган. Қолган 7 кишига тиббий ёрдам кўрсатилмоқда, улардан бирининг аҳволи оғир.