Хитойда коронавирусга чалинган беморлар учун марказлаштирилган изоляция бекор қилинди

BEIJING. Kazinform - Эндиликда коронавирус инфекциясига чалинганлар уйда даволаниши ёки тиббиёт муассасаларидан ёрдам сўраши мумкин, деб хабар беради Кazinform мухбири.

Sinhua ахборот агентлигининг янгиланган CОVID-19 ташхиси ва даволаш протоколига таяниб хабар беришича, Хитойда CОVID-19 билан касалланган беморлар учун карантин марказларида марказлаштирилган изоляция бекор қилинган. Аввалроқ, Хитой ҳукумати томонидан вирусга мутлақо тоқат қилиш сиёсати даврида ХХРнинг деярли барча маъмурий-ҳудудий бирликларида коронавирус инфекцияси билан касалланган одамларни жойлаштириш учун карантин марказлари барпо этилган эди.

Беморлар касалхонадан чиқарилганда коронавирус учун ПЗР тестининг манфий натижасига эҳтиёж қолмайди. CОVID-19 ташхиси ва даволаш бўйича янги протоколда касалликнинг «янги коронавирусли пневмония» номи «янги коронавирус инфекцияси»га ўзгартирилди.

Аввалроқ Хитой Халқ Республикаси Соғлиқни сақлаш давлат қўмитаси қарори билан материк Хитойда коронавирусга қарши кураш бўйича чора-тадбирлар тоифаси энг юқори А дан В га туширилгани хабар қилинганди.

Хитой Касалликларни назорат қилиш ва олдини олиш маркази маълумотларига кўра, 2023 йил 6 январ ҳолатига кўра, ўтган кун давомида материк Хитойда 10,6 мингта коронавирус инфекцияси аниқланган. Британиянинг Airfinity соғлиқни сақлаш компанияси томонидан ўтказилган тадқиқотга кўра, Хитойда CОVIDдан ўлим ҳолатлари кунига 9,000 тагача кўтарилган. Хитойда пандемия бошланганидан бери 5267 киши коронавирусдан вафот этди.

Муаллиф: Руслан Сулейменов