Хитойда ғайритабиий иссиқлик янги рекорд ўрнатди

PEKIN. Kazinform – Хитойда ғайритабиий иссиқлик давом этмоқда. Янцзи дарёсининг ўрта ва қуйи оқимидаги ҳудудларда бир ой давомида кундузи ҳаво ҳарорати 40 даражага етмоқда, деб хабар беради Kazinform мухбири.

Об-ҳаво прогнозларига кўра, жазирама яна бир ҳафта давом этади. Хитойда жазирама иссиқ ҳаво икки ойдан ортиқ давом этмоқда, бу 1961 йилда қайд этилганидан буён энг узун экстремал ҳарорат даври.

23 август, сешанба куни олти провинцияда ва Чунцин мегаполисида ҳарорат Целсий бўйича 40 даражадан ошиши кутилмоқда.

Синоптиклар маҳаллий ҳокимият органларига ғайритабиий иссиқлик билан курашиш бўйича фавқулодда чоралар кўриш, очиқ ҳавода ишлашни тўхтатиб туриш, ёнғин хавфсизлигини қаттиқ назорат қилиш ва аҳолининг ижтимоий ҳимояга муҳтож қатламларига алоҳида эътибор қаратишни тавсия қилади.

Пайшанбадан бери Хитой жануби-ғарбида ва Чунцин муниципалитетида юқори ҳарорат ва қурғоқчилик туфайли бир неча ўрмон ёнғинлари қайд этилди.

Қутқарув отрядларининг 5 мингдан ортиқ аъзоси, қуролли полиция, ўрмон ёнғинлари ва бошқа идоралар, шунингдек, еттита вертолёт қутқарув ва фавқулодда ёрдамни амалга ошириш учун жўнатилди. 1500 дан ортиқ одам эвакуация қилинди.

Муаллиф: Руслан Сулейменов

Фото:russian.china.org.cn