Хитойда CОVID-19 вируси кучайиши мумкин
ASTANА. КAZINFORM - Хитойда Ой тақвими бўйича Янги йил байрамлари пайтида COVID-19 вирусини юқтириш ҳолатлари кўпайиши кутилмоқда.
Бу ҳақда Хитой Халқ Республикаси Касалликларни назорат қилиш ва олдини олиш давлат бошқармаси вакили Лэй Чжэнлун брифинг чоғида маълум қилди, дея хабар беради Kazinform мухбири.
Унинг сўзларига кўра, яқинлашиб келаётган баҳор байрами (Чуньцзе, Ой тақвими бўйича янги йил) вақтида саёҳатчиларнинг кўплиги туфайли коронавирус билан касалланганлар сони ортиши кутилмоқда.
Унинг сўзларига кўра, 2023 йил қиш фасли бошидан буён Хитойда бир вақтнинг ўзида бир нечта патоген ва ўткир респиратор касалликларнинг частотаси алмашгани кузатилган.
Айни пайтда мамлакатда грипп эпидемияси кузатилмоқда ва CОVID-19 вируси билан касалланиш даражаси паст. Шу билан бирга, коронавируснинг XBB штамми устунлик қилади. Шунингдек, мамлакатда JN.1 штамми юқтириш ҳолатлари кўпайган.
Лэй Чжэнлуннинг сўзларига кўра, мамлакат соғлиқни сақлаш органлари чегара постларида назоратни кучайтиради ва аҳолининг заиф қатламларини CОVID-19 га қарши эмлайди.
ХХР Транспорт вазирлиги маълумотларига коʻра, “чуньюнь вақтида (Хитой халқининг баҳор байрами олдидан, байрам пайтида ва ундан кейин мавсумий кўчиши вақти) Хитойда 9 миллиард саёҳат амалга оширилади.
2024 йилда «чуньюнь» 26 январда бошланиб, 5 мартда тугайди.
Анъанавий Хитой Янги йили 10 февралда бошланади. Баҳор байрами эса 10 февралдан 17 февралгача давом этади.
