Хитой жанубида кучли ёмғирлар туфайли 110 мингга яқин одам эвакуация қилинди
Хитой жанубидаги Гуандун провинциясининг кучли ёмғирдан жабр кўрган туманларидан 110 мингга яқин одам эвакуация қилинди. Бу ҳақда маҳаллий фавқулодда вазиятлар бошқармаси маълум қилди, деб хабар беради Каzinform.
“Гуандун провинциясида жабрланган ҳудудлардан 110 мингга яқин одам эвакуация қилинди, 25,8 минг киши зудлик билан хавфсиз жойларга жойлаштирилди”, – дея хабар беради Xinhua агентлиги вилоят фавқулодда вазиятлар департаменти маълумотларига таяниб.
Хитой ҳукумати Хитой жанубидаги Гуандун провинциясида кучли ёмғир оқибатида юзага келган сув тошқинларига қарши кураш чораларини кучайтиришда давом этмоқда.
Душанба куни бир нечта ҳукумат идоралари, жумладан Фавқулодда вазиятлар вазирлиги ва Сув тошқини ва қурғоқчиликка қарши кураш бўйича давлат штаб-квартираси томонидан ўтказилган йиғилишда тезкор ёрдам ва қутқарув операциялари, шунингдек, кучли ёмғирнинг янги босқичига тайёргарлик кўриш зарурлиги таъкидланди.
Аввалроқ Хитойда кучли ёғингарчилик туфайли 11 киши бедарак йўқолганлиги маълум қилинганди.
