Хитой шимоли-шарқидаги сув тошқинлари оқибатида 14 киши ҳалок бўлди

BEIJING. Kazinform - Хитой шимоли-шарқидаги Цзилинь провинциясидаги Шулань шаҳрида «Доксури» тўфони олиб келган ёмғир фронти ва натижада юзага келган сув тошқинлари оқибатида камида 14 киши ҳалок бўлди, бир киши бедарак йўқолди. Бу ҳақда Xinhua агентлиги маълум қилди, дея хабар беради Kazinform мухбири.

1 августдан буён кучли ёмғирларни Тяньцзинь шаҳри ва унинг атрофига «Доксури» супер тўфони олиб келган.

Хитойнинг Тяньцзянь мегаполиси яқинида ҳам кескин вазият ривожланмоқда. Ўтган якшанба куни шаҳар ҳокимияти 1963 йилдан бери энг ёмон тошқинни бошдан кечирган Хайхэ дарёси ҳавзасида максимал «қизил» даражани эълон қилди.

Марказий ҳокимият Хитойнинг тошқиндан жабр кўрган ҳудудларига жами 520 миллион юан (тахминан 72 миллион доллар) ажратди.

Суғурта компаниялари мамлакатнинг сув тошқинидан жабр кўрган 16 та ҳудудида товон тўлашни тезлаштириб, ҳозиргача 264 миллион юан (тахминан 36 миллион доллар) тўлаган. Компенсация талабларининг умумий миқдори 6,24 миллиард юанни (тахминан 866 миллион доллар) ташкил этади.

Муаллиф: Руслан Сулейменов