Хитой олтита янги ядровий реактор қурилишини маъқуллади
Уюшма маълумотларига кўра, Шарқий Хитойнинг Чжэцзян провинциясидаги «Саньмэнь» АЭС, «Хайян» АЭС (Шандун, Шарқий Хитой) ва «Люфэн» АЭС (Гуандун, Жанубий Хитой)ларида янги энергия блоклари ишга туширилади.
Саноат нашрларида ёзилишича, «Саньмэнь» ва «Хайян» атом электр станцияларининг иккинчи навбатига САР-1000 ядро реакторлари, «Люфэн» АЭСига эса «Hualong-1» реакторлари ўрнатилади.
«Хайян» АЭСининг иккинчи босқичининг иккита янги энергия блоки ишга туширилгандан сўнг, йиллик электр энергияси ишлаб чиқариш 20 миллиард кВт/соатни ташкил этади, бу деярли 2 миллион кишининг электр энергиясига бўлган йиллик эҳтиёжини қондиради, кўмир истеъмолини 8,55 миллион тоннага камайтиради.
Соҳа мутахассисларининг фикрича, бир III авлод ядро реакторининг нархи 20 миллиард юанни (3,1 миллиард доллар) ташкил этади. Учта атом электр станциясининг олтита энергетика блокини ишга тушириш учун жами сармоя тахминан 120 миллиард юанга (18,6 миллиард доллар) етади.
Атом энергияси бўйича дунёда иккинчи ўринда турадиган Хитой иқлим бўйича ўз мақсадларига эришиш учун атом энергетикасига сармоя киритишда давом этмоқда.
Муаллиф: Руслан Сулейменов
