Хитой кўчманчилар ўйинларида илк олтин медалини қўлга киритди

ASTANА. Кazinform — Хитой терма жамоаси V Бутунжаҳон кўчманчилар ўйинларида илк олтин медалини қўлга киритди.

Кечаги мусобақа кунида Хитой терма жамоаси учта спорт тури бўйича 5 та медални қўлга киритди.

Аниқроқ айтадиган бўлсак, хитойлик спортчи Teri Gun найза отиш бўйича олтин медални қўлга киритган бўлса, кураш бўйича эркаклар ўртасида 66 килограмм вазн тоифасида Hang Gai бронза медалини қўлга киритди.

Шунингдек, хитойлик спортчилар енгил атлетика бўйича учта бронза медалини қўлга киритди.

Ҳозиргача Хитой терма жамоаси 5 та медаль (1 та олтин, 4 та бронза) қўлга киритиб, медаллар жадвалида 12-ўринда бормоқда.

Эслатиб ўтамиз, Хитой терма жамоаси бунгача Қирғизистонда ўтказилган иккинчи ва учинчи кўчманчилар ўйинларида иштирок этиб, 1 та олтин, 1 та кумуш ва 8 та бронза медалини қўлга киритган эди.