Хитой импорт қилинган музлатилган озиқ-овқат маҳсулотларини CОVID-19 синовидан ўтказишни бекор қилди

BEIJING. Кazinform - Хитой музлатилган ва совутилган импорт маҳсулотларини COVID-19 учун синовдан ўтказишни тўхтатади. Янги қоидалар 2023 йил 8 январдан кучга киради. Бу ҳақда Хитой Халқ Республикаси божхона бош бошқармаси баёнотида айтилади, дея хабар беради Кazinform мухбири.

2023 йил 8 январдан бошлаб барча совутилган ва музлатилган импорт қилинадиган маҳсулотлар учун CОVID-19 текшируви мамлакат чегара пунктларида бекор қилинади, дейилади Хитой божхонаси баёнотида.

2020 йилда Хитой ҳукумати CОVID-19 тарқалиши хавфини камайтириш учун импорт қилинадиган совутилган озиқ-овқат маҳсулотларини кузатиш тизимини ишга туширди. Хитойга олиб кирилаётганда коронавирус учун мажбурий тестдан ўтган бундай маҳсулотларни бутун мамлакат бўйлаб етказиб бериш йўналишини кузатиш учун рақамли платформа яратилди.

Хитой Ташқи ишлар вазирлиги матбуот котиби Ван Венбиннинг айтишича, Хитойнинг CОVID-19га қарши жавобини тузатиши глобал қиймат занжири барқарорлигини таъминлайди.

Аввал хабар қилинганидек, коронавирусга нисбатан «нол бардошлик» сиёсатидан чиқиш Хитой Халқ Республикаси Соғлиқни сақлаш давлат қўмитасининг 2023 йил 8 январдан бошлаб CОVID-19 таснифи жорий этилган юқумли касалликлар рейтинги «А» тоифасидан «B» тоифасига тушади.

Муаллиф: Руслан Сулейменов