Ҳиндистоннинг собиқ бош вазири Манмохан Сингх вафот этди

ASTANA. Kazinform - У аҳволи ёмонлашганидан кейин Деҳлидаги касалхонада ётқизилди ва 92 ёшида вафот этди, дея хабар беради Кazinform агентлиги BBCга таяниб.

Манмохан Сингх Ҳиндистонни энг тез ривожланаётган давлатлардан бирига айлантириш имконини берган либерал иқтисодий ислоҳотларнинг меъмори ҳисобланади.

Ҳиндистон 1990 йиллар бошида банкротлик ёқасида эди. Манмохан Сингх солиқларни қисқартирди, рупийни девальвация қилди, давлат компанияларини хусусийлаштирди ва хорижий инвесторларни таклиф қила бошлади.

Кўрилган чора-тадбирлар иқтисодиётни жонлантирди, саноат ўсишини рағбатлантирди ва инфляцияни жиловлади. Ҳиндистондаги иқтисодий ўсиш 1990 йиллардан бери доимий равишда юқори бўлиб қолди.

Сингх 2004 йилдан 2014 йилгача бош вазир лавозимида ишлаган, аввал 1991 йилдан молия вазири лавозимида ишлаган.