Ҳиндистонда вайроналар уюми остида қолган ишчиларни қутқариш учун бир неча соат вақт керак

Ҳиндистонда вайроналар уюми остида қолган ишчиларни қутқариш учун бир неча соат вақт керак
Фото: Midjourney

Ҳиндистон қутқарувчилари туннел қулаши вақтида унинг ичида қолиб кетган 40 дан ортиқ ишчини эвакуация қилиш учун тошларни бурғулаш ишларини олиб борди, деб хабар беради Kazinform агентлиги Reutersга таяниб.

12 ноябрдан бери Уттуракханда қурилиш вақтида қулаган туннелдан ишчилар чиқа олмаяпти. Воқеа содир бўлганидан кўп ўтмай улар билан боғланишди ва кислород, озиқ-овқат ва сув етказилди.

Ишчилар бирин-кетин озод қилинади. Бу жараён бир неча соат давом этиши мумкин.

Қутқарувчилар ичкарига кириб, одамларни эвакуация қилишни бошлашдан олдин эвакуация трубасини илагри суриб, вайроналарни тозалаш керак.

Туннель ташқарисида арқон ва нарвон кўтарган ўнлаб қутқарувчилар саф тортган. Туннелдан 30 километр узоқликда бўлган 41 ишчи эвакуация қилингандан сўнг, уларни касалхонага олиб бориш учун воқеа жойига тез ёрдам машинаси етиб келган.

Туннель 1,5 миллиард долларлик «Чардхам» лойиҳасининг бир қисмидир. Бу Бош вазир Нарендра Модининг тўртта муқаддас жойни 890 км узунликдаги йўллар тармоғи орқали боғлаш бўйича энг катта лойиҳаларидан бири эди.

Расмийлар ҳодисага нима сабаб бўлганини маълум қилмаган, бироқ бу ҳудуд кўчки, зилзила ва сув тошқинларига мойил эканлиги айтилган.

Сўнгги хабарлар