Ҳиндистонда туннелда 17 кун қолиб кетган 41 нафар ишчи қутқарилди

Ҳиндистонда туннелда 17 кун қолиб кетган 41 нафар ишчи қутқариб олинди
Фото: reuters.com

Ҳиндистон шимолида қутқарувчилар Ҳимолой тоғларида туннел остида қолиб кетган ишчиларни қутқарди. Улар 17 кун давомида ер остида қолиб кетди. Бу ҳақда Kazinform агентлиги BBCга таяниб хабар беради.

ГМТ билан соат 15:30 атрофида Уттаракханд штат ҳукумати барча 41 нафар ишчи қутқарилганини эълон қилди.

Туннел 17 кун аввал 4,5 километр чуқурликда қулаган эди.

Расмийларга кўра, ишчилар вайроналар остида эмас, туннел ичида қолиб кетгани яхши бўлган. Узунлиги икки километр ва баландлиги 8,5 метр бўлган макон уларнинг ҳаёти учун туҳфа бўлди.

Вайронанинг биринчи қатлами бурғуланиши билан одамлар имкон қадар озиқ-овқат, сув ва кислород билан таъминланди.

Қутқарув операциясига юздан ортиқ одам сафарбар қилинган. Уларнинг вазифаси вайроналар орқали бетон қувур ўтказишдир.

Қутқарувчилар охирги беш метрни бурғулашдан сўнг ишчиларни 57 метрли қувур орқали ер юзасига чиқаришга киришдилар.

Душанба куни Ҳиндистонда "каламуш кончилар" деб номланган махсус бўлинма қутқарув операциясига қўшилди. Ушбу жамоанинг усули асосан кўмир конларида қўлланилади ва жуда тор жойларда ишлаш учун мўлжалланган.

Сўнгги хабарлар