Ҳиндистонда диний байрамда 17 киши ҳалок бўлди
ASTANA. Kazinform — Ҳиндистоннинг Ғарбий Бенгалия штатидаги Калькутта шаҳрида диний байрам вақтида одамларнинг бир-бирини итариши ва оломон орасидаги тиғизлик оқибатида 17 киши ҳалок бўлди, деб хабар беради Анадолу агентлиги.
Hindustan Times нашрнинг маълум қилишича, воқеа маҳаллий вақт билан соат 19:40 да Калькуттада ўтказилаётган диний байрам вақтида содир бўлган.
Ҳодиса оқибатида 17 киши вафот этган, яна 25 киши жароҳат олган. Жабрланганлар тиббий ёрдам кўрсатиш учун шифохонага етказилган.
NDTV телеканали хабар беришича, ҳалок бўлганлар орасида 13 нафар аёл ва бир нафар бола бор.
Байрам вақтида кучли жала ёққан. Ёмғирдан ҳимояланиш учун кўпчилик ёпиқ бино ичига ёпирилиб киришга уринган. Натижада одамлар бир-бирини итариб, оломон орасида сиқилиб қолган.
