Ҳиндистон: Сув тошқинларидан 18 киши ҳалок бўлди
NEW DELHI. Kazinform – Ҳиндистоннинг шимоли-шарқидаги Ассам штатида давом этаётган сув тошқинлари оқибатида 600 мингдан ортиқ одам жабр кўрди, қурбонлар сони 18 нафарга етди, деб хабар беради сешанба куни маҳаллий расмийлар.
Синьхуа агентлигига кўра, Сув тошқинлари 10 та туман – Хожай, Каримганж, Моригаон, Нагаон, Дима-Хасао, Качар, Дибругарх, Хайлаканди, Голагхат ва ва Ғарбий Карби-Англонгга таъсир кўрсатди, бу ерда вазият оғирлигича қолмоқда.
"Ассамда сув тошқини билан боғлиқ вазият оғирлигича қолмоқда, 10 та туманда 625 318 киши сув босган дарёлардан зарар кўрган. Сўнгги 24 соат ичида тўрт киши ҳалок бўлди, шу билан ҳозиргача тошқин қурбонлари сони 18 нафарга етди”, – дейилади хабарда.
Бундан ташқари, Качар туманида тўрт киши бедарак йўқолган.
Расмийларнинг айтишича, ҳозирда 577 қишлоқ сув остида қолган ва 6023 гектарга яқин экин майдони шикастланган.
Ассам штатининг табиий офатларни бошқариш бошқармаси маълумотларига кўра, маҳаллий ҳукуматлар жабрланган ҳудудларда 191 та ёрдам лагери ва 108 та тарқатиш маркази очган.
Расмийлар, шунингдек, темир йўлларга шикаст етгани учун баъзи поездлар қатновини ҳам тўхтатди.
Ассам ва Манипур штатларида “Ремал” циклони сабаб бўлган кучли ёмғирдан кейин тошқинлар содир бўлди.
