Ҳиндистон шимолидаги Ҳимолой тоғи этагидан икки нафар Россия фуқаросининг жасади топилди

Ҳиндистон шимолидаги (Ҳимачал-Прадеш штати) Маникаран туманидаги Парвати дарёси қирғоғида икки нафар Россия фуқаросининг жасади топилди, деб хабар беради Кazinform Россиянинг ТАSS агентлигига таяниб.

“Иссиқ булоқ ёнидан эркак ва аёлнинг жасади топилди. Уларнинг танасида жароҳатлар бор, аммо ҳаёт учун хавф туғдирадиган даражада эмас”, – дейилади хабарда.

“Ҳозирча полиция бунда жиноят аломатларини кўрмади, тергов давом этмоқда”, – деди ҳуқуқ-тартибот идоралари вакиллари.

Россияликлар жойлашган меҳмонхонадан хат топилди.

“Инглиз тилида ёзилган ва унда у шахсий нарсаларини Россия элчихонаси ва қариндошларига топширишни илтимос қилган”, – дейилади полиция хабарида.

Россияликларнинг жасади жойлашган жойдан устара, мобиль телефон, шам ва бошқа нарсалар ҳам топилган. Жасадлар Куллу туманидаги касалхонага юборилган.