ХII Бутунжаҳон ўйинлари Хитойда бўлиб ўтади
ASTANА. Кazinform – ХII Бутунжаҳон ўйинлари жорий йилнинг август ойида Хитойнинг Чэнду шаҳрида бўлиб ўтади.
theworldgames2025.com маълумотларига кўра, 7-17 август кунлари Хитойда бўлиб ўтадиган ХII Бутунжаҳон ўйинларида 35 та ноолимпия спорт турлари бўйича 72 мамлакат/минтақадан 5000 дан ортиқ спортчи иштирок этиши кутилмоқда.
Бутунжаҳон ўйинлари - бу 1981 йилда биринчи марта ўтказилган халқаро спорт мусобақаси. Олимпиада ўйинларидан кейин ҳар 4 йилда бир марта ўтказиладиган мусобақада ноолимпия спорт турлари бўйича спортчилар ўзаро тўқнаш келади. Мусобақани Халқаро Бутунжаҳон ўйинлари ассоциацияси (IWGA) томонидан ташкил этилади.
Айтиш жоизки, пляж волейболи, бадминтон, аёллар оғир атлетикаси, батут, триатлон, таэквондо ва бошқа спорт турлари Олимпия ўйинларига киритилгунга қадар Бутунжаҳон ўйинлари спорт мусобақалари ҳисобланган.
Бундан ташқари, Халқаро олимпия қўмитаси Халқаро Жаҳон ўйинлари ассоциациясини тан олади ва Бутунжаҳон ўйинлари учун расмий маблағ ажратади.
Эслатиб ўтамиз, аввалроқ шорт-трек бўйича Қозоғистон терма жамоаси бош мураббийи Петр Гамидов 2025 йилда Хитойнинг Пекин шаҳрида бўлиб ўтадиган жаҳон чемпионатида мамлакат шарафини ҳимоя қиладиган спортчилар номини маълум қилгани ҳақида хабар берган эдик.
