Хайме Мунгия ўзининг навбатдаги рақиби сифатида Головкинни танлаганини маълум қилди

ASTANA. Kazinform – Ўрта вазн тоифасида мағлуб бўлмаган мексикалик боксчи Хайме Мунгия (41-0, 33 КО) аргентиналик Гонсало Гастон Корияни (21-6, 8 КО) нокаут эвазига мағлуб этганидан сўнг навбатдаги рақиби ҳақида баёнот берди, деб хабар беради Kazinform Sports.kzга таяниб.
None

Мунгия жангдан кейин рингга берган интервьюсида қозоғистонлик машҳур боксчи Геннадий Головкин (42-2-1, 37 КО) билан келаси йилнинг май ойида жанг ўтказмоқчи эканлигини маълум қилди.

Г.Головкин WBA Super ва IBF йўналишлари бўйича ўрта вазн тоифасида жаҳон чемпиони унвонлари соҳиби ҳисобланади.

Эслатиб ўтамиз, Бутунжаҳон бокс ташкилоти (WBO) британиялик Дензель Бентлини мағлуб этган Жанибек Алимханулин Хайме Мунгия билан жанг ўтказишга мажбур қилганди.

«Умид қиламанки, Мунгия мен билан жанг қилишга рози бўлади», - деб ёзди Жанибек Тwitterда.

Фото:sports.kz

Сўнгги хабарлар