Ханчжоудаги Осиё ўйинларида бугун 35 та медаллар жамланмаси ўйналади

Ханчжоудаги Осиё ўйинларида бугун 35 та медаллар жамланмаси ўйналади
Фото: news.cn

28 сентябрда 11 та йўналиш бўйича 35 та медаллар жамланмаси ўйналади. Булар бадиий гимнастика, пляж волейболи, велоспорт, киберспорт, қиличбозлик, ўқ отиш бўйича, таэквондо, ушу, сузиш ва бошқалар, деб хабар беради Kazinform мухбири.

Пляж волейболи бўйича мусобақада қозоғистонлик спортчилар Дмитрий Яковлев ва Сергей Богату бронза учун кураш олиб боради. Улар Эрон терма жамоасига қарши майдонга тушади.

Бадиий гимнастиканинг маълум турлари бўйича эркаклар ва аёллар ўртасида финал мусобақалари бўлиб ўтади. Уларда Нариман Қурбанов, Дарья Ясинская ва Аида Бауиржанова иштирок этади.

Қиличбозлик бўйича Қозоғистон эркаклар терма жамоаси жамоавий турнирда иштирок этади. Жамоа таркиби: Назарбай Саттархан, Жанат Набиев, Артем Саркисян ва Мухамедали Рахманали.

Пайшанба куни сузиш бўйича еттита медаллар жамланмаси ўйналади: аёллар ўртасида 50 метрга эркин усулда, эркаклар ўртасида 50 метрга баттерфляйда, аёллар ўртасида 200 метрга брасс усулида, эркаклар ўртасида 200 метрга брасс усулида, эркаклар ўртасида 800 метрга эркин усулда, аёллар ва эркаклар ўртасида эркин услубда 4×100 эстафетаси. Қозоғистондан Адилбек Мусин, Арсен Қожахметов, София Сподаренко иштирок этади.

Мусобақа куни ўқ отиш бўйича ҳам бешта медаллар жамланмаси учун кураш олиб борилади. Унда қозоғистонликлар иштирок этишмоқда.

28 сентябрь тонг ҳолатига кўра, Қозоғистон 13 та медаль (1 та олтин, 2 та кумуш ва 10 та бронза) билан 12-ўринда бормоқда.

Мутлақ етакчи ҳамон Хитой - 140 (76 - 43 - 21). Иккинчи ўринда Жанубий Корея - 70 (19 -18 - 33). Учинчи ўринда Япония - 66 (15 - 27 - 24).

Муаллиф: Руслан Сулейменов

Сўнгги хабарлар
telegram