ХАМАС ярашув таклифига жавобан Ғазода тўлиқ ўт очишни тўхтатишни талаб қилди

ASTANA. Kazinform – ХАМАС гуруҳи АҚШнинг Ғазода ўт очишни тўхтатиш ҳақидаги таклифига жавоб юборди. Гуруҳнинг юқори мартабали вакилининг BBCга айтишича, у ҳамон Исроилдан ўт очишни тўхтатишни талаб қилмоқда.

ХАМАС ва унинг “Фаластин ислом жиҳоди” ташкилотидаги иттифоқчилари ўз баёнотларида келишувга эришишга тайёр эканликларини билдирган.

Шу билан бирга, Reuters агентлиги Исроил расмийсига таяниб, ХАМАС гаровга олинганларни озод қилишдан бош тортаётгани ҳақида хабар берди.

АҚШ президенти Жо Байден таклиф қилган ва БМТ Хавфсизлик Кенгаши томонидан маъқулланган сулҳ режаси ўн кунлик оташкесимни талаб қилади. Кейинчалик у доимий бўлиши керак. Шунингдек, Исроил фуқаролари гаровдан, фаластинликлар эса Исроил қамоқхоналаридан озод этилиши керак.

Исроил ва ХАМАС ўртасидаги музокараларда воситачилик қилаётган Қатар ва Миср, Фаластин гуруҳи таклифга жавоб берганини тасдиқлади.

Пайшанба куни кечки баёнотда ХАМАС Ғазода тўлиқ ўт очишни тўхтатишга чақирди.