Халқаро турнирда иштирок этувчи қозоғистонлик боксчилар аниқланди

15-21 январь кунлари Венгриянинг Дебрецен шаҳрида бўлиб ўтадиган бокс бўйича Иштван Бочкай номидаги турнирда иштирок этадиган Қозоғистон терма жамоаси таркиби маълум бўлди, деб хабар беради Kazinform.

Халқаро турнирда асосан ёш чарм қўлқоп усталари Қозоғистон шарафини ҳимоя қилмоқда. Улар орасида Асхат Жусипов (48 кг), Даниял Сабит (51 кг), Кенже Муратули (54 кг), Самат Жетибаев (54 кг), Асилжан Серикбай (57 кг), Жексен Бейбарис (60 кг), Ертуған Зейнуллинов (63,5 кг), Рахат Сейитжан (67 кг), Сабиржан Аққалиқов (71 кг), Диас Молжигитов (75 кг), Ерасил Жақпеков (80 кг), Темирлан Муқатаев (86 кг), Донияр Рахимбердиев (92 кг) ва Дамир Тойбай (92 кг дан юқори).

Ўтган йили қозоғистонлик боксчилар ушбу турнирда 9 та медаль қўлга киритганди: 6 та олтин, 3 та бронза.

Шу тариқа терма жамоа умумжамоа ҳисобида биринчи ўринни эгаллади.

Муаллиф: Адилжан Умбет