Халқаро судда 11-12 январь кунлари Жанубий Африканинг Исроилга қарши даъвоси бўйича суд мажлиси бўлиб ўтади

Бугун Халқаро жиноий судда Исроилнинг ҳаракатларини Фаластин халқига қарши геноцид сифатида тан олиш учун Жанубий Африка Республикасининг Исроилга қарши даъвоси кўриб чиқилмоқда, деб хабар беради Каzinform агентлиги.

11-12 январь кунлари Гаагадаги Халқаро судда Жанубий Африка апелляцияси бўйича тингловлар бўлиб ўтади. Бу ҳақда суд ҳужжатида айтилган.

Декабрь ойи охирида Жанубий Африка Ғазо секторидаги вазият юзасидан Гаагадаги Халқаро судга геноцид конвенцияси бўйича Исроилга қарши иш қўзғатиб, судни Исроилга қарши вақтинчалик чоралар кўришга чақирди.

Исроил Жанубий Африканинг айбловларини рад этиб, Жанубий Африканинг даъволарида ҳеч қандай фактик ва қонуний асос йўқлигини айтди.

Эслатиб ўтамиз, ноябрь ойи бошида Жанубий Африка ҳукумати Исроил армиясининг Ғазо секторида давом этаётган ҳарбий амалиёти муносабати билан ўз дипломатларини Исроилдан маслаҳатлашувлар учун чақириб олиш қарорини эълон қилган эди.

Ноябрь ойида Исроил Ташқи ишлар вазирлиги матбуот котиби Лиор Хайят Исроил кейинги маслаҳатлашувлар учун Жанубий Африкадан элчисини чақириб олганини айтди.