Ҳакамлар можароси Жанубий Корея ва Япония футболида шов-шувга сабаб бўлди
ASTANА. Кazinform — Япония футбол ассоциацияси (JFA) Жанубий Кореяда ишлаётган пайтда "жинсий хизматлар" учун пул олган бўлиши мумкинлиги ҳақидаги хабарлар пайдо бўлганидан сўнг, тўрт нафар япониялик ҳакамга нисбатан тергов бошлади, деб хабар берди Кyodo ахборот агентлиги.
Масаладан хабардор манбанинг сўзларига кўра, JFA тергов натижаларини эълон қилишни режалаштирмоқда.
Тергов 8 август куни Жанубий Кореянинг МВC телеканалида эфирга узатилган сюжет туфайли бошланган. Канал Жанубий Корея Маданият, спорт ва туризм вазирлигининг 2016 йилги аудит ҳисоботидан иқтибос келтирди. Ҳужжатга кўра, Корея футбол ассоциацияси (КФА) ўнга яқин хорижий ҳакамларга, жумладан, японияликларга ҳам шундай хизматлар кўрсатилишини ташкил қилган.
МВC маълумотларига кўра, бу 2011-2012 йилларда Жанубий Кореяда еттита ўйинни бошқарган ҳакамларга тегишли. Улар орасида Жаҳон чемпионати саралаш босқичидаги ўйинлар ҳам бор эди. Ҳакамларга Сеул, Ульсан ва бошқа шаҳарлардаги массаж салонларида массаж хизматлари учун пул тўланган. Харажатлар КФА корпоратив кредит карталари орқали амалга оширилди.
Ишга алоқадор тўрт япониялик ҳакамдан бири ҳали ҳам JFAда ва ассоциациянинг ҳакамлар қўмитасида ишлайди.
МВC маълумотларига кўра, Жанубий Корея ва Қувайт ўртасидаги 2012 йилги жаҳон чемпионати Осиё саралашининг учинчи босқичида ҳакамлик қилган тўрт япониялик ҳакамдан иккитасига массаж хизмати кўрсатилган. Жанубий Корея ўйинда 2:0 ҳисобида ғалаба қозонди ва саралашнинг финал босқичига йўл олди.
Ҳисоботда келтирилган еттита ўйиндан учтаси жаҳон чемпионати ёки Олимпия саралаш босқичи, қолган тўрттаси эса ўртоқлик учрашувлари бўлган.
Эслатиб ўтамиз, Ямаль ва Холанд 220 миллион евро билан дунёнинг энг қиммат футболчиларига айланди.
