Грузиянинг янги бош вазири келаси ҳафта тасдиқланади

ASTANA. Kazinform – Грузия парламенти келаси ҳафта янги бош вазир ва ҳукуматни тасдиқлайди, деб хабар беради Каzinform агентлиги Trend.azга таяниб.

Бу ҳақда Грузия парламенти спикери Шалва Папуашвили маълум қилди.

“Грузия парламент республикасига айланганидан бери парламент биринчи марта Европа демократик мамлакатларига хос бўлган бош вазир лавозимига номзодни таклиф қилади”, – деди Шалва Папуашвили.

Бир кун аввал Бош вазир Ираклий Гарибашвили сайловолди даврида ҳукмрон “Грузин орзуси” партиясини бошқариш таклифи туфайли истеъфога чиқишини маълум қилган эди.