Грузия ва Озарбайжонга пиёз экспорт қилиш масаласи ишлаб чиқилмоқда
ASTANA. Kazinform - Грузия ва Озарбайжонга пиёз экспорт қилиш масаласи ишлаб чиқилмоқда. Бу ҳақда Ҳукумат йиғилишида ҚР Қишлоқ хўжалиги вазири Айдарбек Сапаров маълум қилди.
“Жорий йилдан бошлаб вазирлик режа ва кўрсаткичларни вилоят ҳокимликларига етказиб беришни бошлади. Дарҳақиқат, қанча пиёз экиш кераклиги ва режа қанча бўлиши кераклиги ҳақида ҳеч қандай индикатив бўлмаган. Жорий йилдан бошлаб Бош вазир топшириғига асосан индикативларни ҳудудларга етказиб бердик. Пиёзга келсак, аввалги йилларда ҳақиқатан ҳам нарх ошди, шунинг учун фермер хўжаликлари бу билан шуғуллана бошлади. Ҳозир бутун дунёда пиёз нархи арзонлашди. Экспорт ҳам қисқаради”, - деди вазир Ҳукумат йиғилишидан кейинги брифингда.
У ўтган йилларда мамлакатимиз 180 минг тонна экспорт қилганини таъкидлади.
“Бу йил эса 117 минг тонна жўнатдик. Яъни экспорт 70 минг тоннага камайди. Шу сабабли, нарх ҳам пасайган. Лекин биз бунга қарамаяпмиз. Иш давом этмоқда. Савдо ва транспорт вазирликлари билан ҳамкорликда ишлаяпмиз. Грузия ва Озарбайжонга 160 минг тонна пиёз сотишимиз керак.Улар билан шартнома бор. Ҳозир логистика устида ишлаяпмиз, ёрдам берамиз”, - деди Аидарбек Сапаров.
