Грузия ва Францияда коронавируснинг янги тўлқини бошланмоқда
COVID-19 тарқалишига қарши кураш бўйича идоралараро комиссия маълумотларига кўра, июл ойи бошидан буён Грузияда кунига 600-800 та ҳолат қайд этилган бўлиб, худди шундай кўрсаткичлар феврал ойида коронавируснинг навбатдаги тўлқинида ҳам кузатилган. Беморлар Республика юқумли касалликлар клиникаси томонидан қабул қилинади. Ҳозирча тўшаклар бўш, аммо агар бу тенденция давом этса, COVID-19 бўлимлари қайта очилишига тўғри келади.
Соғлиқни сақлаш вазири «Францияда коронавирус инфекциясининг саккизинчи, унинг оқибатида тўққизинчи тўлқини бошланиши мумкин» деди.
Вазир, шунингдек, ёзги таътилда бўлган францияликларни жамоат транспортида ниқоб режимига риоя қилишга чақирди.
Соғлиқни сақлаш вазирлиги раҳбарининг аввалроқ берган маълумотларига кўра, Францияда COVID-19нинг еттинчи тўлқини кучаймоқда, янги касалланганлар сони 200 мингга етди. Бунгача ҳар куни 120 000 та янги ҳолат қайд этилган.
