Грециядаги ўрмон ёнғини: яхта экипажи ҳибсга олинди

Грекия
Фото: Facebook/ epoxikoipirosvestes

ASTANA. Kazinform – Грециянинг Гидра оролида содир бўлган ўрмон ёнғинидан сўнг 13 киши ҳибсга олинди, расмийлар бунга «Персефони» яхтасидан учирилган феерверклар сабаб бўлганини айтмоқда, деб хабар беради BBC.

Греция иқлим инқирози вазири Василис Кикилиаснинг айтишича, жума кунги ёнғин Афина жанубидаги машҳур сайёҳлик оролида 300 квадрат метрлик ёлғиз қарағай ўрмонини қамраб олган.

Ёнғин ўчирилган, аммо бу осон бўлмаган. Пляжга йўл йўқ эди, шунинг учун ўт ўчирувчилар денгиз орқали етиб боришлари керак бўлди, вертолётлар ҳаводан сув туширди.

Юнонистон оммавий ахборот воситалари ҳибсга олинганларнинг барчаси «Персефони» суперяхтасининг экипаж аъзолари эканлигини маълум қилди. Тантанали яхталарнинг бир нечта дилерларига кўра, яхтани ижарага олиш 249 000 евродан бошланади.

В.Кикилиаснинг айтишича, давлат айбловчиси кемани мусодара қилишни талаб қилган.

Бир қатор маҳаллий ОАВ суд ҳужжатларига таяниб, яхтада Грецияни тарк этган 17 нафар Қозоғистон фуқароси бўлганини хабар қилди. Бироқ BBC буни тасдиқлай олмади.

Якшанба куни эрталаб бир хил иш формасини кийиб, юзларини қуёшдан сақлайдиган кўзойнак, ниқоб ва шляпалар билан ёпган экипаж Пирей прокуратурасига кириб келганида видеога тушиб қолган.

Маҳаллий ОАВнинг ёзишича, ёнғин хавфсизлиги хизмати мутахассислари ва яқин атрофдаги кема капитани берган маълумотга кўра, «Персефони»дан сигналли ракета ёки феерверк отилганини маълум қилган. Бироқ, Соҳил хавфсизлик хизмати бу маълумотни тасдиқловчи ҳеч қандай далил йўқлигини таъкидламоқда.

Бир неча ўрмон ёнғинлари билан курашаётган Грецияда норозиликлар бошланди. Қолаверса, улар учун бу осон бўлмади, чунки улар йилнинг биринчи иссиқ тўлқинини бошдан кечираётган эди.

«Биз баъзи одамлар қарағай ўрмонига шундай масъулиятсиз равишда оташин отишганидан ғазабдамиз», – деді Идра мэри Йоргос Кукудакис шанба куни ERT телеканалига берган интервьюсида.

Греция сешанба кунидан бери ўрмон ёнғинлари учун юқори тайёргарлик ҳолатида. Ҳокимият иссиқ ва қуруқ об-ҳаво, кучли шамол ва юқори ҳаво ҳарорати билан ажралиб турадиган ёз мавсумига тайёргарликни жадаллаштирди.

Сўнгги хабарлар
telegram