Грецияда сайёҳлар жазирама иссиқдан ҳалок бўлди
Грецияда ҳаво ҳаддан зиёд исиб, ҳарорат 40 даражадан ошди, баъзи жойларда +45 даражага яқинлашди, деб хабар беради Kazinform ЎзАга таяниб.
Хорижий ОAВ хабар беришича, жазирама тўлқин камида тўрт нафар сайёҳнинг ўлимига сабаб бўлган.
Расмийлар бир неча киши бедарак йўқолганини тасдиқлаган. Вафот этганлар ва тақдири номаълум шахслар рўйхатида асосан кексалар, ёлғиз европаликлар қайд этилган.
Мамлакатнинг диққатга сазовор жойлари, жумладан Aфинадаги Aкрополь ҳам жазирама иссиқ туфайли ёпилган. Айрим саёҳатчилар объектларда навбатда турганда ҳушидан кетган.
Фавқулодда вазиятлар хизмати ходимларининг хабар беришича, сайёҳлар оддий эҳтиёт чорасини ҳам кўрмайди. Масалан, узоқ вақт қуёш остида қолиб кетишади ёки бош кийим киймайди. Шу муносабат билан Греция расмийлари сайёҳлар учун махсус огоҳлантириш эълон қилди.