Греция фермерлари тракторда Афинага бормоқчи

АFINА. Кazinform - Греция фермерлари 20 февраль куни бутун мамлакат бўйлаб кенг кўламли норозилик намойиши ўтказишларини маълум қилишди.

Маҳаллий матбуотга кўра, ўтган ҳафта Греция бош вазири Кириакос Мицотакис билан ўтказган музокараларига қарамай, Греция фермерлари ўз фикридан қайтмаяпти.

Ҳукумат раҳбари икки ҳафта аввал бошланган норозилик намойишларини тўхтатишга уринди. У маслаҳатлашувларга очиқ эканини айтиб, ҳукуматнинг молиявий имкониятлари чекланганлигидан огоҳлантирди.

Ўз навбатида фермерлар мамлакат йўлларини тўсиб қўйиш билан таҳдид қилишган. Бундан ташқари, улар кейинги сешанба куни тракторлари билан Афина пойтахтига боришларини айтишди.

“Бизда курашни давом эттиришдан бошқа иложимиз йўқ”, – деди Греция қишлоқ хўжалиги федерацияси президенти Никос Марудас.

Греция ҳукумати ўн йил ичида деҳқонларнинг энергия учун тўловларини ҳамда ўғит ва ем-хашак учун ҚҚС ставкаларини камайтириш масаласини кўриб чиқишга ваъда берди. Бундан ташқари, фермерлар учун бир неча минг евро миқдорида қўшимча молиявий субсидиялар мавжуд.

Кейинроқ фермерлар ташкилоти таклиф этилаётган қўшимча чора-тадбирлардан мамнун эмаслигини маълум қилди.