Грета Тунберг жаримага тортилди

ASTANA. Kazinform – Швециянинг Мальмё шаҳри суди 20 июнда шаҳар портидаги норозилик намойишлари чоғида полицияга бўйсунмагани учун таниқли экология фаоли Грета Тунбергни жаримага тортди, деб хабар беради Kazinform ВВCга таяниб.

Ўша куни Грета ва унинг тарафдорлари портда нефть ташувчи машиналар йўлини тўсиб қўйишди. Швециялик атроф-муҳит фаоллари қазиб олинадиган ёқилғидан фойдаланишга шундай норозилик билдиришган.

Тунберг айбини тан олмади, бироқ суд бошқача қарор қилди. Фаол 2500 швед крони (тахминан 240 доллар) миқдорида жаримага тортилди.