Грецияда ёнғин назоратдан чиқиб кетди: 2 та шаҳар аҳолиси эвакуация қилинмоқда
Грециянинг Афина шаҳри шимолида жойлашган Вотонас ва Марафон аҳолиси эвакуация қилинди ва тонги соат 05 га қадар қирғоққа чиқишга буйруқ берилди.
Ўт ўчирувчиларнинг айтишича, ёнғиннинг асосий манбаи турли йўналишларда тарқалган бир неча оқимларга бўлинган. Ўт ўчирувчилар, шунингдек, Аттика ва Грециянинг бошқа жойларида кутилаётган кучли шамолга тайёргарлик кўрмоқда.
Эвиа оролида соҳил қўриқчилари патрул катерлари ва хусусий кемалар билан биргаликда юзлаб одамларни денгиз орқали эвакуация қилиш бўйича кенг кўламли операция ўтказди.
Ўт ўчирувчилар бугун Афина яқинида сув бомбалари юкланган самолётлар ва вертолётлар ёрдамида бир нечта ёнғинларни ўчиришга муваффақ бўлишди. Бироқ, иссиқлик уларнинг жонланишига сабаб бўлди. Ҳозирда, шаҳарни Грециянинг шимоли билан боғлайдиган асосий магистрал йўлда, экипажлар бу йўлни оловнинг тарқалишига тўсиқ сифатида фойдаланишга урингани сабабли ҳаракат тўхтатилган.
Таъкидлаш жоизки, Грециядаги ўрмон ёнғинлари сўнгги қирқ йил ичида энг иссиқ об -ҳаво туфайли юзага келган. Мамлакатнинг кўп жойларида ҳарорат 44 даражадан ошади.
