Греция Акрополга ташриф буюришни чеклайди

АFINA. Кazinform - Греция ҳукумати мамлакатнинг энг машҳур диққатга сазовор жойларидан бири ҳисобланган Афина Акрополига ташрифлар сонига чекловлар жорий қилмоқда, деб хабар беради Кazinform CNNга таяниб.

Ташрифлар сони кунига 20 000 тагача чекланади. Шу билан бирга, брон қилиш сайти давоматни кузатиб боради ва соатлик слот тизимини тақдим этади.

Август ойида Грециянинг Real FM радиосига берган интервьюсида Греция маданият вазири Лина Мендони Акрополга ҳар куни 23 000 га яқин одам ташриф буюришини айтди ва буни «жуда катта рақам» деб атади.

Сайт 20:00 гача очиқ бўлади. Мендонининг сўзларига кўра, кўпчилик ташриф буюрувчилар сайтга эрталабки соатларда ташриф буюришни маъқул кўришади ва шу тариқа «бундай кўп сонли одамларни жойлаштиришга уринаётган сайт, ташриф буюрувчилар ва ходимлар учун муаммо туғдиради».

Янгиликдан кўзланган мақсад, ҳозирда фақат синовдан ўтказилаётган ва 2024 йилнинг апрель ойидан расман ишга тушиши мумкин бўлган янги тизим гавжумлик муаммосини ҳал қилади ва ёдгорликнинг хавфсизлиги ва узоқ сақланишини кафолатлайди.

Милоддан аввалги V асрда тош тепаликда қурилган қадимий Акрополда тарихий харобалар, бинолар ва артефактлар жойлашган бўлиб, улардан энг машҳури Афина маъбудага бағишланган Парфенон ибодатхонасидир.

ЮНЕСКО веб-сайтида таъкидланишича, бу жой ва унинг ёдгорликлари «Юнон антик даври дунёга мерос қилиб қолдирган энг буюк меъморий-бадиий мажмуани ташкил этади».

Жорий йилнинг ёз бошида Европадаги жазирама тўлқинлар фонида ҳаво ҳароратининг кескин кўтарилиши туфайли Акропол сайёҳлар учун ёпилган эди.

Апрел ойидан бошлаб янги брон қилиш тизими Грециядаги электрон чипталар билан ишлайдиган бошқа археологик жойларга ҳам тегишли бўлади.