Grammy мукофоти маросими коронавирус туфайли қолдирилди
АҚШ Санъат ва овоз муҳандислиги академияси, CBS ва шоу продюсерларининг қўшма баёнотида мукофотлаш маросими коронавирус пандемияси сабабли 2021 йил 14 март якшанба куни бўлиб ўтиши айтилган.
Тадбир 31 январ куни Лос-Анжелесдаги Staples Centerда бўлиб ўтиши керак эди. Уни «The Daily Show» бошловчиси Тревор Ноа олиб бориши керак эди.
Тадбир ташкилотчиларининг фикрига кўра, Лос-Анжелесдаги COVID-19 билан боғлиқ вазиятнинг ёмонлашуви, касалхоналар ва интенсив терапия бўлимларида беморларнинг кўп бўлгани учун шоуни қолдиришга қарор қилди. «Бизнинг мусиқа жамоатимиз аъзолари ва намойишни яратиш учун тинимсиз меҳнат қилаётган юзлаб одамларнинг саломатлиги ва хавфсизлигидан муҳимроқ нарса йўқ», - дейилади баёнотда.
Баёнотда ташкилотчилар барча иқтидорли мусиқачиларга, ходимларга, айниқса, бу йилги номзодларга уларни тушунгани учун, сабр-тоқат ва меҳнатсеварлик учун миннатдорчилик билдирди.
Хонанда Бейонсе, Дуа Липа ва Тейлор Свифт ҳамда хонанда Родди Ричч бу йилги номинациялар бўйича етакчилик қилмоқда. Бу йил Grammy ҳайкалчалари 84 номинация бўйича тақдим этилади.
Шуни таъкидлаш керакки, 20 ёшли қозоғистонлик Иманбек Зейкенов (Imanbek) Roses SAINt JHN қўшиғи билан «Енг яхши ремикс» номинациясида Grammy номзодларидан бирига айланди. Бу Иманбекнинг Америкадаги нуфузли мукофотига биринчи номинация.