Google ўз фойдаланувчиларини яширин кузатгани учун товон тўлайди
АҚШнинг Google компанияси Google Chrome браузери фойдаланувчилари ҳақидаги маълумотларни махфий йиғиш билан боғлиқ суд жараёни бўйича камида 5 миллиард долларлик дастлабки келишувга эришди, деб хабар беради Kazinform агентлиги Reutersга таяниб.
Келишув шартлари эълон қилинмади, бироқ адвокатларнинг таъкидлашича, Google шартларнинг мажбурий рўйхатига рози.
У 2024 йил 24 февралгача тасдиқлаш учун судга юборилади.
Даъвогарларнинг шикоятига кўра, Google иловалари фойдаланувчиларга ҳатто Google Chrome браузерини шахсий "инкогнито" режимига ўтказганларида ҳам ўз фаолиятини кузатиш имконини берди.
Googleга қарши иш 2020 йилда АҚШнинг Калифорния штатида кўриб чиқилган.
Суд компанияга хизматларидан фойдаланадиган миллионлаб одамларнинг телефонларини тинглаш тўғрисидаги федерал қонунлар ва Калифорниянинг шахсий ҳаёти тўғрисидаги қонунларини бузгани учун қурбонларнинг ҳар бирига камида 5000 доллар тўлашни талаб қилди.
