Гондурасда кичик самолёт ҳалокатга учраб, камида 6 киши ҳалок бўлди
ASTANA. Kazinform – Самолёт Роатан ороли соҳилида денгизга қулаб тушди. Бу ҳақда Anadolu нашри ёзди.
Гондурасда бортида 17 киши бўлган кичик самолёт денгизга қулади. Дастлабки маълумотларга кўра, олти киши ҳалок бўлган.
Роатан губернатори Уго Вареланинг айтишича, самолёт Хуан Мануэль Гальвес аэропортидан кўтарилган ва Трухильо шаҳрига йўл олган, бироқ ҳавога кўтарилганидан кўп ўтмай Роатан ороли қирғоқларида денгизга қулаган.
Унинг сўзларига кўра, қутқарувчилар аллақачон олти нафар жасадни топган, қидирув ишлари давом этмоқда.
Маҳаллий ОАВ хабарига кўра, самолёт ҳалокатдан сўнг ёниб кетган ва бу қутқарув хизматлари ишини қийинлаштирмоқда.
Эслатиб ўтамиз, 13 март куни кечқурун Денвер (АҚШ Колорадо шатати) халқаро аэропортида American Airlines авиакомпаниясининг 172 йўловчиси бўлган самолёти ёниб кетгани ҳақида ёзган эдик.
