Головкин жамоасидаги қозоғистонлик боксчи «Тайсон»га қарши жанг қилади

NUR-SULTAN. Kazinform – Қозоғистонлик боксчи Али Аҳмедовнинг (18-1, 14 КО) навбатдаги рақиби маълум бўлди. Бу ҳақда Kazinform Sports.kzга таяниб хабар беради.

Маҳаллий супер ўрта вазн тоифасидаги спортчи 30 июл куни Лос-Анжелесда рингга қайтади. BoxRec.com хабарига кўра, унинг рақиби «Тайсон» лақабли мексикалик Рикардо Адриан Луна (23-8-2, 15 КО) бўлади.

Жанг ўн раундга мўлжалланган. Луна қозоғистонлик мухлисларга 2020 йилда Нурзат Сабиров (11-0, 9 КО) билан жанги орқали таниш бўлиши мумкин - ўшанда Рикардо якдил қарор билан мағлуб бўлганди.

Али Аҳмедов Геннадий Головкин (42-1-1, 37 КО) GGG Promotions промоутерлик компаниясининг боксчиси ва у билан Жонатон Банкс раҳбарлигида машғулотлар ўтказмоқда.

Фото: sports.kz